攝得就攝

今次做ge野同音樂無關，走左去幫gary手，響HKIM 25th Anniversary Gala Dinner影下相咁，原本開心就幾開心，因為事關我都係當去玩，依d場合都唔係第一次去，不過今次周圍行來行去影相都係第一次。佢原本要三個人，咁我就搵左奶明同阿龍，點知龍哥公司有事忙當日才甩底，臨時臨急搵左阿宏幫手，真係唔該曬。

去之前都知無啖好食，上車已經食定三文治打底，點知影緊果時都係餓到飛起……講真，唔怕得罪，成個活動的organization都真係幾差，差不在人少去搞，真正host可能的確3-4人就夠，只不過係under host ge 人係無一個知發生咩事，分工也不平均，變左搞到果幾個host就要顧及九萬幾樣野，例如影相唔知想影咩，無rundown俾我地，又無預先test過d音響，那些播不出來的聲音大概是bit-rate上出現了問題，無人預先同嘉賓講幾時出去頒獎，搞到d嘉賓在台上呆企，很趣怪，我地又俾d細粒helper趕入Press Area，咁真係唔知想點……本來都唔諗住講，不過原來gary都last day，暢所欲言。Gary也真的有責任心，俾我係last day就唔會咁好心機幫佢地搞d咁大獲ge野。

對於那些少年人得獎，我也感染了他們的愉悅。