一個害了病而必須要工作的人最需要的並不是藥物，而是一輛的士和一位可靠的的士司機。因家住屯門西北，要搭的士出九龍務必要call車，日子久了，他們都大概知道我會去的地點，例如良景出發就會在新圍班馬線等，到太子就當然在界限街和西洋菜北街交界的警察會落，到炮台山就當然是電氣道油站，九龍灣就一定會是其士商業等等……還有他也會一接電話就問我去邊呀梁生？很親切！遇著接我電話的人車我出去更會清楚我的行車路線，如去太子一定係呈祥道落大埔道，出香港就行西隧，要知道，無事無幹唔會無喇喇打的，一係就唔舒服、一係就趕時間，唔舒服就真係唔該俾我休息下，最多落車叫醒我，趕時間就更加唔洗問，自動switch去一條最快、最少燈、最無可能塞車的路，所以出太子一定無可能行彌敦道慢慢塞gwa！
病了一整天，最後要做的做妥了，唯獨真做早上頂不了，沒有教jkin和泰樂理，當晚凌晨三時終於趕起他們比賽的譜email給jkin，翌日還要完成一個歷時2.5小時超過30首歌的爸爸節演出，我阿媽話我病都唔抖下，唔知點解病就可以有特權，可以休息，依樣野當我番了長工有了病假先終於明白病係應該休息，表演練習綵排不過點都唔可以失場喇……
星期五晚上，學生家長問我仲有無時間教學生，我竟然口快快答左有……實在唔經大腦……
No comments:
Post a Comment