28果晚同Shirley、嘉諾同李晴去左青森吃晚飯，慶祝嘉諾27號19歲生日同李晴29號18歲生日，當晚的我從進入青森開始就已經變得很不正常，一直到乘車時才好一點，整晚進入hyper狀態，或者真係出街食飯食味精得多搞到咁。席間，有人打趣問我係咪平時壓力大呀你？！其實我好衷心咁講……係架！平時ge我好少遊雲，集中力都叫有番咁上下。響岩岩果個星期日，同Shirley由教會行到去良景巴士總站，Shirley就進了商場，而我就準備搭車出葵芳，咁我好自然會睇下個電子牌幾點開車，見有時間就會去七仔買d飲料。買完、等車、俾碎銀、上車坐車頭休息，架車行完屯門公路，走入天橋，經過荃灣西西鐵站、貨櫃碼頭(可能大家都知咩事……)，而我到了美孚才醒覺，問自己搭58X做咩……最後在長沙灣坐MTR返回葵芳。
今晚靜靜地諗下，我ge壓力其實係超多方面，而且係keep左有新的……好像最近要去嶺大開琴班，一方面要預備教材、又要應付一些很不妥善的安排；幫人伴奏、驚彈錯音影響人地比賽成續；學生考樂理，佢地唔驚，我最驚；編一首medley，負責人一星期都唔俾歌詞我；8/10糟哥結婚，唔知著咩衫好，加上答應了幫手影相，驚影得唔好，而且財政危機，但係又想買過套suit同鞋，但係又要還grant loan；還有很多很多……
所以自己有很多個晚上都睡得不太好，因為我並不是準時起身、番工、食飯、放工，我係要每天都為自己安排著，今天要比賽、買鞋、伴奏，還要打很多電話、接很多無謂電話，有時，一些自己的私人時間，例如食緊飯、睇緊一些心頭好，我會選擇不去接聽……
都係果樣，對於有些靠父母而獲得的好野，繼而在我面前耀武揚威，我勸你(們)收斂一下，此刻我沉得住氣不去理會，或許我有一日真的傻左，先口角、繼而動武！無錯！我係眼紅、我係妒忌。
為此緣故，已為自己在周末安排了節目，想想也快樂，期待！
No comments:
Post a Comment