蘋果書迷思

近日不知是否受到蘋果機送ipod nano的影響，個個都問我買咩好，買邊部好。加上年紀逐漸增長，身邊的朋友也漸漸大了，從前年紀輕輕的那一群變成大專生、大學生，我理解買電腦的實際性，但是蘋果書有專業版和非專業版，講真係人都想買部好一點的，岩岩收到tarloff話17" macbook pro，HKU有offer，$17,XXX，這是同系中最高階的，小禾都話想買，不過係人都知我同佢都無咁ge必要住。

講番依個back-to-school優惠，實在係好吸引，送部ipod nano，加上部電腦都係around 8K，同其他電腦相比，實在也很化算。我覺得入到大學，有部電腦也很正常，即使有需要時要問父母拿錢買也很正常，自己無能力但是有需要，無可厚非！……講到依度，唔怕得罪講句，個勢我都係會發牢騷，不喜者勿看，如有得罪，請恕小弟直言！

Peggy買左部macbook最平的那一部，我和她詳細商量過，認為最抵，與其由2GHz加到2.16GHz，倒不如花一點錢去加ram，更實際！買了……很好！應花得花嘛！讚！

macbook pro的性能我都見識過，有一努力工作的朋友的弟弟擁有一台，所做的不過是msn, safari，我替那部機可憐！性能上講真完全拍得住powermac，不過講得pro仲要係portable，諗下係咪你用得著先，一部講緊係上萬蚊ge機，有無必要咁樣拎出街做d咁pro ge野？我見大把專業攝影師出到d影樓，都係用部ibook搞，我諗都綽綽有餘，我勁大製作，響教會又錄音又執聲都係用macbook搞掂。我都見過真係有人用macbook pro的……我見呀金培達拎去韓國錄音咪用佢囉，咁當然喇，做咁pro ge野wor，用都應該丫！

那當然，如果你月入幾萬，有穩定收入，買一部macbook pro黎msn, safari邊有人理你，最多會眼紅下，同暗罵一番，正如moonelf用了自己份糧去無數次禾花亭也是奈他不何的！！！又唔係架wor，係鍾意拎阿爸阿媽d錢黎fing ga wor，有用買都話丫，無用又買，咁我實睇唔過眼架，好野人人都想擁有，但是不是人人都可以擁有，過得到人過得到自己，父母都含辛茹苦養大自己，都咁大了，都應該識諗為父母著想一下！至少我也覺得我的弟弟很不錯！原來他上次番part time，只不過番了五天都有比家用媽媽，那份工他在船上番的，第一天嘔得很厲害！辛苦錢來！讚！所以我也貼了點錢來幫他砌過一部新電腦……

還有80GB的hard disc容量和黑蘋果並不值$3,100……

如果大家只為「型」而買蘋果機，我勸你們不要買住…試下用或認識多點才買吧！